不能說的．秘密

隨著音樂　相愛到時間的盡頭

上個星期日同凱恩去睇「不能說的咪咪」,一心想同凱恩浪漫一番,但佢睇完後沒甚麼感覺.......,只說套戲一般.

Anyway,我覺得套戲大部分部分情節都好浪漫,其中鬥琴的部分又精彩,而到最後周杰倫要回到過去搵桂綸鎂的一幕,真係好感動(我都眼濕濕).我推薦大家去睇(最好係同女朋友去睇).按上面的「」可以聽到那首Secret,大家一齊回到過去尋找桂綸鎂吧.

「能遇見你，

　　已經是不可思議了．．．」

男與女的分別

昨晚聽森美移動,森美在節目中提到男與女的分別,同男性講心事時他們係想得到一些有幫助可以解決問題的回應;同女性講心事時她們係想你同聽佢傾訴,而不是給一些解決問題的回應.

以下係女性例子:

女:我唔見左支NDS筆呀.
男:咁買過支啦.
女:果支係特別版黎架,而家冇得賣架啦.
男:咁買下一代果支特別版啦.
女:都唔同,你都唔明,你好唔了解我呀.
男:我都係想幫妳姐,仲話我唔了解妳.

女:我唔見左支NDS筆呀.
男:唔見左邊支筆呀?
女:特別版果支呀.
男:係呀,O係邊道唔見架?
女:我都唔知呀.
男:咁妳而家諗住點呀?
女心想:(佢好肯聽我講野喎,又關心我.)

以下係男性例子:

男:我唔見左支NDS筆呀.
女:唔見左邊支筆呀?
男:NDS果支筆囉.
女:係呀,O係邊道唔見架?
男:我點知姐,知我就唔會唔見啦.
女:咁妳而家諗住點呀?
男:咩諗住點呀,妳好煩呀.
女:我想關心下你姐,仲話我煩.

男:我唔見左支NDS筆呀.
女:咁買過支啦.
男:果支係特別版黎架,而家冇得賣架啦.
女:咁買下一代果支特別版啦.
男:都好,咁我地一齊去啦,順便買多部NDS比妳啦.

明白男與女的分別之後,同伴侶相處會有一點幫助.

愉快的一天~~

前日我請了一日假,因為我已經有一段日子無放假了.雖然係放假,但係比平日更早起身.一早就要「揸架VAN仔」返廠,之後就坐巴士返「屋企」帶我對仔女去街街.我們一行人坐的士去又一城,一到步第一時間當然就係去玩具反斗城買玩具.他們在玩具反斗城玩盡所有大大小小玩具之後,終於都選定他們的心怡玩具了.下一站輪到我想去的地方,我想去Bossini給他們買件衫,他們不約而同選中了同一件衫,所以我給他們買了兩件一樣的衫.很快便到了午飯時間,我們到KFC愉快地食完午餐就返「屋企」了.

下午我同凱恩去MegaBox睇3D harry potter,IMAX裡面的環境很舒服,而那些3D亦很精彩,唯一美中不足的地方就是我們的位置太前,令我們感到很疲累.MegaBox真係十分之大,每次去都會發現一些新地方未去過.

晚上我們去了旺角食魚旦粉,之後我們做了一件令到大家都很快樂的事便回家了.

To My Dearest!!

最近在PCCW工作,仍然都係做「揸貨VAN」.在PCCW工作雖然人工比較高,但係工作時間實在係太長,每星期工作七日每日十幾小時,每次回到家中都已經十二點了.

工作固然係辛苦,但都不及掛念凱恩的辛苦.雖然一個星期有一百六十八小時,但係我可以見到凱恩的時間都不夠十小時.不過無論工作有多辛苦,只要一見到凱恩,所有辛苦都會一掃而空.其實無論有多辛苦都無所謂,最重要係不要自己最心愛的人辛苦,我真係好希望可以令凱恩下半生都可以無憂無慮幸福快樂地生活.

既然平日無機會見到凱恩而令我舒緩工作的辛苦,為有學電腦令自己有個目標可以記托.我每晚都會抽四個小時學電腦,令我的睡眠時間激減到只有三至四小時,但都無減我的決心.做人只要有目標,做甚麼事情都會有動力.周星馳:「如果一個人無理想，咁同一條鹹魚有乜分別。」

進入Web 2.0的年代~

一直都有留意電腦消息的我,在近期才發現我們已不知不覺間進入了Web 2.0的世代了.當大家在互聯網上暢遊的時候,不難發現已經有很多Web 2.0的服務,可能大家已經正在用那些服務還不知.

究竟甚麼是Web 2.0呢?下面有一遍很好的文章,希望大家可以抽一點時間去讀一下.在這互聯網迅速發展的時代裡甚麼是Web 2.0真的不可不知!!

電腦玩物: 現代人上網還需要知道的十件事......Web2.0 Browse

Firefox & Google

最近忽然愛上了Firefox和Google,其實在幾年前我已經接觸過他們了,但年輕的我始終未能擺脫Microsoft魔掌,直到近期開始想向更高層次進發,開始接觸Firefox,Google,Linux和Open source等等...

自使用過Firefox後,發覺Firefox其中一個很吸引我的地方,它可以讓用使用者根據自己的使用喜好而加入一些Add-on,從而令其更貼近使用者的需要,經過強化的Firefox功能之強大並非Internet Explorer可比.

在我不斷研究Firefox當中,發現它跟Google有着很密切的關係,據網路上得知原來它們正在聯手對抗着Microsoft.當研究過它們之後,發現它們各有着很多好玩而且好用的東西.在稍後的日子裡我會分別介紹一下我選用了的Firefox Add-on和Google的一些服務.

新的開始!!

已經有一段日子無更新Xanga了,除了因為平日工作繁忙外,主要係因為我放了很多的JavaScript有部分不知為何漸漸失效,而且Xanga在版面設計方面亦有着很多的局限,所以令我無心再經營落去.直到最近我遇上了Google,Google本身係一間很有頭腦和創意的公司,它經營了很多的網上免費服務,而其中一個就係Blogger(係Google幾年前收購回來的).Blogger有着很多比Xanga優勝的地方(只係我個人認為),例如Blogger在版面上的自由度大設置亦較容易,中文支援方面亦比較好,還有一個很體貼的功能它會在你打文章的時候自動定時儲存草稿(不怕誤按到x而白費心機),種種原因令我想在Blogger重新經營一個Blog.

經營這Blog主要目的係為了自己學習和記錄一些關於電腦的知識和心得(當然會有其他的東西啦),始終人腦有限.希望在我的學習過程中都可以都大家分享一下.

而因小弟的電腦知識確實太過皮毛,所以在初期的時候大多會以轉載為主,待我日後的知識和文筆比較成熟時,漸漸會發表一些分享文章.而為了培養我的寫作興趣和文法,我會盡可能抽出一點時間來寫文.如日後發現小弟的文章中有錯別字或文筆不通,請包涵和提點一下.